有冇試過望住啲舊傢俬唔知點處置佢哋好？
香港啲屋出名細，唔係個個都有個大雜物房擺舊傢俬，擺喺迷你倉又要俾多筆運輸費，點算好？其實，舊傢俬都唔一定要扔嘅。Carousell就有好多有材之士用啲計仔，將舊傢俬改頭換面，變成有用之物。以下醒大家7個方法，學下點樣將舊傢俬物盡其用啦！
1. 重新上色同裝飾
有時舊傢俬只係需要個耳目一新嘅新面貌。無論係茶几、電視櫃定飯枱櫈，重新上色可以為舊傢俬注入新生命。如果有藝術天份，想整到件傢俬靚一靚，重新裝飾都好有趣架。
開始之前，大家要先諗下舊傢俬要添加乜嘢要新顏色同裝飾，記住唔同嘅素材，例如金屬同木材，係需要唔同方法上色同裝飾。大家可以去傢俬鋪請教下專家，咁就唔會行冤枉路，花冤枉錢喇。
重新上色令大家可以將舊傢俬改造成心水顏色，亦可以加入個人品味，例如可以將件舊物襯番其他傢俬，又或者將佢改造到吸引眼球，仲可以輕輕改造之後拎去賣，咁就可以賺多啲外快啦。
如果各位需要靈感，可以去Carousell嘅手作＆自家設計分類參考一下，可能會搵到你心目中嘅模板、油刷同埋顏色配搭。
2. 改變舊傢俬用途
改變用途可以將殘舊傢俬改頭換面，分分鐘變成寶藏。當然，呢個方法需要好多創意，但就可以帶來極大滿足感。改變舊傢俬用途可以令你發現舊物意想不到嘅新功能。
改變舊傢俬用途嘅時候，需要考慮呢啲因素：
- 傢俬嘅結構係咪適合新用途？
- 改變用途需唔需要改裝件傢俬？
- 改裝費用要幾多？
改變舊傢俬用途係將殘舊傢俬物盡其用嘅好方法！
3. 翻新同升級舊傢俬
如果大家想徹底改造舊傢俬，呢個方法就最幫到你喇。當大家有啲木製傢俬，例如枱同櫈，可以考慮下將某啲部分拆出黎，然後裝喺其他地方，為傢俬營造復古感覺。透過翻新同升級，仲遮住傢俬嘅結構缺陷𠻹。
如何大家想遮住傢俬嘅污漬同破爛，亦可以加個軟墊喺上面，咁就可以令梳化呢類舊傢俬變番靚靚仔仔。咁有朋友黎屋企玩嗰陣就唔洗收埋啲傢俬啦！
例如，大家可以睇下呢張 喺Carousell賣緊嘅舊梳化──只係30美金咋！只要大家為佢黎個小改造，就會變到新嘅一樣！
4. 賣走舊傢俬
有時候，大家有啲舊傢俬仲係好企理靚仔，仲可能係最近翻新過嘅，咁就可以考慮賣走佢，賺多幾個錢喇。咁樣就可以延長你嘅寶貝傢嘅壽命啦。
如果各位想上網賣舊傢俬，咁就要留意下呢啲因素：
- 了解間網店嘅可信度
- 定價前參考同類貨品價錢
- 考慮同買家交收嘅運輸成本
上網賣傢俬係大家認識志同道合朋友嘅好機會，仲可以增進同舊朋友嘅感情㖭。Carousell聚集咗熱愛二手同環保產品嘅買家賣家，令大家可以就住自己有興趣嘅話題滔滔不絕！
喺呢度就可以搵到你有興趣嘅Carousell群組！
5. 交換舊傢俬
有冇諗過其實你可以同其他人交換舊傢俬？當然，要搵人同你交換舊傢俬唔係一件易事，不過只要開始左呢個習慣，就好容易認識新朋友，仲可以送舊迎新𠻹，話唔定會換到新寶藏番屋企呀。大家可以考慮同親戚朋友交換，又或上網搵下有冇人賣緊差唔多價錢嘅產品，睇下佢地有冇興趣交換舊傢俬。
6. 回收換物
其實，大家隨時都可以回收舊傢俬，然後將佢換取其他有用嘅產品，好似屋企日常用品或者係贈劵，咁做不單環保，仲可以錫住荷包𠻹。 不過大家要留意，只有某類特定傢俬先可以回收換物，例如木造傢俬或者金屬傢俬。不過膠造同紡織嘅傢俬就未必咁易回收喇。
不過，大家幾時都可以喺 Carousell用相宜價錢搵到升級舊傢俬架，就好似呢個茶几咁：
7. 捐贈舊傢俬
社會上有好多人都非常需要我哋嘅舊傢俬，所以捐贈舊傢俬都不失為個好方法。大家可以選擇捐去屋企附近嘅慈善團體，或者住喺附近嘅街坊。
不過，大家都要留意你件舊傢俬係咪仲用得，咁新用家先可以享受你嘅舊寶貝，唔會一送左俾人件嘢就爛！大家可以考慮下捐贈之前輕輕修理一下件舊傢俬。
大家係咪發現，原來有好多方法都可以延長舊傢俬嘅壽命，令佢繼續有用武之地呢？各位可以視乎情況睇下邊個方法適合你。
一如以往，如果大家想翻新或者轉售舊傢俬， Carousell隨時都可以幫到你！如果你覺得呢篇文章有用，咁就記得同親朋好友開心share喇！
