話你知點喺Carousell賣嘢之前,我哋翻返去十年前先。

有一日你喺屋企望住好多買完返嚟又冇用嘅嘢,你唔知應唔應該賣走佢哋,同賣完嘢啲錢可以點用。仲有一個問題,就喺賣嘢嘅地方,唔係論壇就係blog,要用幾個鐘去影相、上載、分類,搞極都未搞掂。

對你同我呢啲每秒幾十萬上落嘅香港人嚟講,時間就係金錢,咁點得呢?

今時今日,所有嘢都喺手機入面發生,真係好方便;所以我哋Carousell都一樣,只須要用30秒,就可以係手機賣走你唔再用嘅野。

點喺Carousell到賣嘢:輕鬆三步搞掂
第一步:打開Carousell個應用程式,撳「賣嘢」個制
第二步:幫你要賣嘅嘢影返幾張靚相
第三步:填翻啲基本資料,得咗
係唔係好簡單呀? 呢篇文再講多啲,碌落去睇埋佢啦!

第一步:打開Carousell個應用程式,撳「賣嘢」個制

你用iPhone又好Android都好,「賣嘢」個制大大個係螢幕嘅下方。 撳落去就會開咗相機。

Android就咁樣嘅:
iPhone就咁樣嘅:

第二步:點幫要賣個樣嘢影相呀?

一見鍾情係現實生活唔係成日發生,但係喺Carousell就好有可能!

買家第一眼就會見到件產品嘅相,所以張相越靚就自然越多人留意。

開咗相機,係時候擺件產品係正中間然後影張靚相啦。

其實都有兩個貼士嘅:

  1. 你最多可以上載四張相,所以記得係不同角度影多幾張!
  2. 唔好同個背景撞色,有個對比件產品自然會好突出。

不過影相真係唔容易,三言兩語講唔晒,睇下呢篇《產品攝影:令人忍唔住即刻買嘅秘訣》知多啲啦。

今次就等我賣部MacBook Air示範俾你睇啦。

影完相揀張順眼嘅,撳「繼續」:

專家教路:唔好用圖片庫啲相呀,我地發現啲人好多時見咁「行」嘅相都唔會撳入去,反而自己影嘅會多啲人留意。

嚟到最後一步啦!

第三步:點樣填啲基本資料呀?

完成咗頭兩步,你就要幫件產品分類。為咗真係可以三十秒之內搞掂,我地個系統會根據你上載個張相建議一個類別,勁呢?

跟著填翻啲必須嘅資料:

首先就係個產品名,同埋產品資料,留意翻呢一部份可能會因為你賣嘅嘢而有分別。
然後就要定價。如果你已經諗好賣幾多錢就最好啦,如果未諗,我地嘅建議賣原價嘅七成。當然都可以參考下其他賣家嘅定價,一個有競爭力嘅價錢就係好嘅開始。跟住要俾人知你件產品係一手定二手,同埋你想親身交收定郵寄。

最後,亦都係最重要嘅環節,就係準確嘅產品介紹!

咁強調要準確都係因為無人會想收到件貨,但係發現貨不對辦。

所以記得將心比己,做個負責任嘅賣家。

 

諗唔到點介紹件產品? 可以參考下呢幾樣嘢:

  1. 點解咁捨得賣?
  2. 有無爛有無花?
  3. 顏色同大細?
  4. 件產品係點用同好唔好用?

總之講多啲就最好啦!

搞掂啦,係唔係好易先? 雖然好似好多嘢,但係其實真係好快,我第一次賣嘢嘅時候都覺得難以置信。

點喺Carousell賣嘢:舊愛變外快

你而家都係Carousell專家啦。學識咗點賣嘢,仲唔快啲去教你啲friend。

所以話,賣咗啲唔再用嘅嘢,賺翻啲錢,其實一啲都唔難。

正因為Carousell就係想你賣得開心,賣得輕鬆,賣得方便。

祝你快啲賣到你嘅第一件產品啦,如果有咩疑問可以留言話我知,或者send email去support@carousell.com問都得。

Happy Carouselling!

翻譯: Bosco Cheung

LEAVE A REPLY

Please enter your comment!
Please enter your name here