旋轉拍賣至HIT群組話題

0
872

早排旋轉拍賣推出咗個「群組」新功能,唔知大家中唔中意去同廣大網友吹水呢?旋轉拍賣嘅群組話題極多,無論你嘅興趣係咩,都一定會搵到志趣相投嘅網友交流心得!不如我哋睇下近排群組有咩最hit嘅話題啦!

 

化妝護膚品集中地 

 

化妝品同護膚品比科技更日新月異,廣大愛美市民一定會覺得花多眼亂,唔知點先揀到適合自己膚質嘅產品啦?如果大家有咩想買,不妨去化妝護膚品集中地諮詢下網友意見啦!

近排有網友分享咗夏日好用粉底液,無論你對色號、貼服度、持久度同埋遮暇度有任何疑問,都可以先睇下其他用家嘅意見,廢事貿貿然去鋪頭試,俾人sell兩sell就衝動亂買啦!

進入群組>>

 

毛孩家長同學會

 

相信好多人都會當毛孩係最親密嘅朋友,甚至乎係主子𠻹毛孩家長同學會,大家可以任意哂命,分享自己毛孩嘅趣緻樣,又可以分享邊個牌子嘅糧食同零食健康好味,如果毛孩唔好彩患病,更加可以查詢獸醫推介。

如果你有任何寵物用品想買賣或者交換,歡迎大家同其他用家喺呢個平台上面溝通,而家有毛孩家長讓出遙距互動餵食器,啱哂經常工幹外遊嘅主人,有需要嘅話不妨參考下!

進入群組>>

 

經典名牌手袋

 

虛榮心人皆有之,名牌手袋咁靚,買一兩個獎勵自己努力工作亦無嘗不可姐!之不過名牌手袋好多都要萬萬聲,投資dream bag之前點都要問下其他用家意見嘅!經典名牌手袋群組有好多靚仔靚女分享自己嘅最愛經典款式,大家想買個易襯百搭又實用嘅手袋嘅話,絕對應該去取下經!就好似近排有姊妹分享有名牌手袋雖然款式好睇,但拉鍊就比較難拉,使用時有啲麻煩。呢啲細節位真係唔問唔知架。

就算大家唔係想買袋,以「鑑賞」角度去欣賞手袋都係一大樂事嚟架!如果你有任何懷舊或者絕版款式想要,上呢個群組向廣大4萬幾個用戶「求包」,實會好快搵到心頭好!

進入群組>>

 

 

甜品迷

 

今日就係中秋佳節,唔知大家有冇試整我哋上次介紹嘅中秋甜品食譜呢?好多甜品迷為咗應節,都動手整咗冰皮月餅同奶黃月餅,製成品仲有版有眼𠻹點解馬卡龍整極都失敗?點樣先會令戚風蛋糕升高?如果大家想分享成果靚相或者分享烘焙貼士,咁就唔可以錯過甜品迷群組喇!

各位用戶仲可以交流下邊款打蛋器好用,邊款焗爐性價比最高,務求成為最佳住家甜品大師!下次如果身邊嘅愛人家人朋友生日,上甜品迷群組就可以一站式買用具、搵食譜同埋取經偷師!

進入群組>>

蘋果迷

 

近排蘋果出咗幾款新電話,各位果迷諗好入手邊款未呢,心大心細嘅話就去問下其他用戶意見啦!而且新系列一出,相信好多人都會換款,如果你有鎖定舊款型號嘅話,而家就係入手好時機!上次嗰款iPhone 8 Plus都係出咗一年左右,好多二手機都仲係好新淨架,唔想走寶就記住上蘋果迷群組尋寶喇!平時對iTunes, iCloud或者其他蘋果產品有疑問,上群組就會發現好多人解答你嘅煩惱!

進入群組>>

 

無論係吹水定買賣,旋轉拍賣群組乜都有得傾,要資訊有資訊,要搞笑有搞笑,大量話題等緊你發掘同參與!

發掘更多群組>>

 

LEAVE A REPLY

Please enter your comment!
Please enter your name here