試想像你籌備已久的甜品舖終於開幕，本來你預計會有近百個客人，但係最後只係得十幾個。你問自己，明明所有嘢都準備好，裝修又靚，menu又吸引，究竟出咗咩問題呢? 好多時候都係因為你冇好好咁去宣傳呀! 就算你有再好嘅想法都好，唔話比人知，就唔會有人知。係Carousell賣嘢都一樣，無論你件產品嘅相影得幾靚，介紹寫得幾吸引，甚至價格低到冇人有，你唔去宣傳都可能會賣唔出。
今次等我哋教你四個推廣你件產品嘅方法啦!
- 好好利用社交媒體
- 記得放上Facebook嘅群組同網上論壇
- Share去Carousell相關嘅群組
- 用「泵」!
呢四個方法都可以增加你件產品的曝光率㗎!
利用社交媒體去推廣產品
係Carousell嘅應用程式，只係需要撳幾個制，就可以將你賣緊嘅產品係社交媒體上面推廣。首先，去返自己嘅版面，然後揀你想推廣嘅產品，撳”Promote”，然後就會去咗呢到：
然後撳返紅色框個個制，再揀返你想係邊個社交平台到share就得啦!
不過如果你已經知道你邊個friend係會有興趣嘅話，你就可以直接whatsapp或者telegram條link比佢啦! 主動出擊點都好過守株待兔嘅。同埋有唔使錢嘅，試下都無妨啫。
放上Facebook嘅群組同網上論壇
呢個方法好似同之前個個差唔多，但係其實係有分別嘅。Facebook群組好多時候都係一班志同道合嘅人分享嘅地方，所以當你有嘅嘢想賣嘅時候，share去相關嘅群組就冇錯㗎啦。如果你係Carousell上面係賣緊大量同一類別嘅嘢，更加可以將你自己成個profile分享出去，咁有興趣嘅人就自然可以一目了然啦。
Share去Carousell相關嘅群組
群組唔係淨係得Facebook先有㗎，Carousell都有，我地當初設立群組呢個功能，就係希望可以凝聚一班志同道合嘅朋友，幫助佢地去買賣自己嘅心頭好。咁首先你就要搵一個啱自己嘅群組(可以係Adidas或者瑜伽)，然後就係群組入面分享你嘅產品，比更多人知道你賣緊啲咩，而且我地仲有群組係以地區區分，好方便呢? 你可以用唔同嘅關鍵字去搵唔同嘅群組，好似牌子、地方、名人同興趣等等。
如果你用緊iOS，你可以係呢到搜尋唔同嘅群組：
如果你用緊Android，群組個制就係搜尋欄下面：
當你加入咗自己有興趣嘅群組之後，就好似頭先咁，去返自己嘅版面，然後揀你想推廣嘅產品，撳”Promote”，然後就會去咗呢到：
揀分享至Carousell群組，然後就會列出所有你加入咗嘅群組：
搵返相應嘅群組，撳分享，搞掂。
「泵」你件產品
「泵」可以幫你係限定嘅時間之內將你嘅產品放到搜尋結果嘅第一位。用「泵」最好嘅地方就係可以係短時間之內將你件產品嘅曝光率增加兩倍。想知道多啲關於「泵」嘅資料? 可以睇下呢篇《三步學識點樣「泵」!》。
額外貼士：你嘅朋友就係你最好嘅宣傳渠道
好多人都唔記得將自己嘅產品分享比朋友，但係其實你現實生活嘅朋友先係同你最志同道合個班人，所以就算佢哋對你賣嘅嘢無興趣，都可以幫你再分享出去。想像下你有五十個朋友，佢哋各自又有五十個朋友，咁你嘅受眾就多咗幾十倍㗎啦。
你而家學識咗點樣係Carousell到推廣你嘅產品，如果我係你我就會試曬咁多種方法，因為唔同類別嘅產品都有唔同嘅方法同渠道去推廣，所以唔試過又點知呢?
如果你有咩疑問都可以留言話我地知，我哋好樂意解答㗎。同埋記得要將呢啲貼士分享比你啲朋友呀。