近年成日都聽到「可持續性」呢個term，就連我哋Carousell辦公室都經常提到可持續性𠻹。因為過度消費導致地球出現大量問題，我哋都好支持公平咖啡同本地農場蔬果，仲有做好廢物回收。
到底乜係可持續消費？係咪真係可以做到？
所謂習慣成自然，最重要嘅一環係培養出選擇環保、節能同埋可持續產品嘅習慣。可持續消費係需要靠社會大眾一齊努力，消費時經深思熟慮，作出有意義嘅消費行為。聽起上來好似好離地？唔洗擔心，即使實行可持續消費，買嘢shopping都依然係冇問題架！
可持續消費唔代表係唔買嘢，相反，可持續消費者認為想買嘢係冇錯，人係有物質上嘅欲望，更物質上嘅有需要。重點在於，我哋要警醒自己衝動消費會造成大量浪費。
過去幾十年，社會大眾終於開始意識到，再係咁落去，地球好快就會玩完！你知唔知道，地球上超過八成冇人要嘅衣物都會被送去堆田區同焚化爐？而速食時裝(Fast Fashion)嘅出現就令潛在生態災難嘅出現機會大大增加。
雖然二手衫店同慈善商店都係賣衫好去處，佢哋都好難應付到大量嘅可再用衣物，即係話好多賣唔出嘅衫褲都要被丟棄。要避免呢種災難， 好需要我哋自律，確保消費習慣係可持續嘅。可持續消費主義嘅原則包括：了解產品嘅優點同埋背後嘅故事。好簡單，大家可以揀有機物料製作嘅衣物，唔要工廠大量生產嘅；更好嘅當然係選擇曾經俾人愛錫嘅回收衣物啦！
你又可以點樣支持可持續消費主義？
放心，大家唔洗變成乜都唔肯扔嘅囤積王嘅！但以下幾種方式都可以促進可持續消費：
回收衣物
記唔記得細個嗰陣，年年都係著住呀哥家姐著過嘅衫褲？如果你而家聲都唔聲咁做，佢哋當然就係唔制啦！但其實個道理都係一樣嘅！ 近年買二手衫褲係個好興嘅潮流黎架，再講，二手尋寶對荷包同地球都更加友善嘛。
而家互聯網咁發達，上網買衫真係易過借火，但都唔好因為咁而將慈善商店同復古店拋諸腦後呀！去呢類地方買衫唔只搵到復古款式，連BB用品同細路仔衫褲都買到架，呢類貨品同新買嘅質素差唔多，但價錢就平一大截。
升級改造衣物
唔係專業裁縫師先識改造舊衣物架。雖然自己改造衣物又真係幾花時間心機，但只要有合適嘅器材幫手，車衫都幾好玩架，諗下初中家政堂嘅趣味？投資少少時間去升級改造衣物，真係十分值得，就例如一件「古董」婚紗都可以改造成為超靚嘅馬甲上衣架。升級改造仲可以應用喺其他家居用品，好似一個破爛嘅櫃筒都可以成為一個令小朋友瘋狂嘅玩具屋。只要加啲創意同技巧，升級改造都可以融入生活，成為一種可持續嘅生活方式黎滿足物質需求，兼且keep住又潮又型。
買得醒目
黑色連身裙係最受歡迎亦係最穩陣嘅一款衣物，好多人都會有條係衣櫃看門口。我自己都有兩條成日著嘅黑色連身裙，所以建議大家唔好買速食時裝，而係選擇買設計同質地都有質素嘅款式，咁就可以keep住著幾年都唔會過時。買嘅時候心裡面問下自己，呢個款式係咪經典穩陣款呢？同樣道理，無論係買電話定買鞋都好，唔好太心急落手，諗清楚屋企有冇撞款嘅嘢，又或者價錢係咪值得呢？
大家仲應該諗下，買左新嘢取代舊物，咁舊物應該點處置？上網賣出去定係送俾人好？諗清楚先決定買，如果唔係又會為堆田區帶來更多負擔架喇！
綠色生活
盡可能支持「綠色運動」，例如去街市買本地農產品，去街坊針織班整衫，又或者用環保家用清潔劑黎減少化學廢物。大家亦可以多支持本地品牌，選擇品牌故事清晰透明嘅貨品，了解產品嘅來源。
買新衫之前，不妨考慮去二手衫店同慈善商店shopping，嗰度都好多潮物架，話唔定會尋到寶呢。最後，無論係想買家居 、園藝定係番工用品，都可以善用網上平台買賣，咁就唔會冇位擺新玩意啦。當然，你隨時都可以考慮使用Carousell！
小結
可持續消費嘅重點，就係買任何嘢時都盡量選擇環保方法。每個人都需要物質，冇人否認呢樣嘢嘅重要性，而我哋嘅責任就係了解清楚自己購買同消費嘅產品嘅來源。買嘢唔單只係一場交易，大家每花一分一毫，都係決定緊地球同自己嘅將來，所以記緊要買得醒目。
大家一齊努力改變消費模式，可能慢慢連價值觀都會有嘅好轉變！
