復古潮流買二手名牌袋

April 29, 2019

近幾年潮流吹緊一鼓復古風，好多名牌都爭相重推以前大熱嘅手袋，例如90年代流行嘅monogram，好多款式都一包難求，有價有市！Carousell一直都係二手寶物市場嘅天堂，我哋已經同米蘭站合作左一段時間，推出Hermès、Chanel、Louis Vuitton手袋驗證服務，大家喺Carousell買呢3個牌子嘅手袋，就可以享有免費驗證服務，令各位會員買袋時更方便更有信心！

由今個月起，成功賣出手袋嘅賣家可以直接填寫預約表格，就可以同買家一齊去門市驗手袋啦！詳細步驟如下：

步驟1：Hashtag #MILAN02 並加上聲明

首先喺你嘅Hermès、Chanel 或Louis Vuitton 手袋嘅「產品名稱」hashtag #MILAN02，並喺「產品描述」加入以下句子：「此產品接受米蘭站免費驗證服務，詳情：https://hk.carousell.com/p/223446895/ 」。經我哋透過賣家上載嘅相片初步驗證後，合資格嘅手袋就會放入banner宣傳。初步驗證時間約為2個工作天。

步驟2：將產品標示為「已售出」

買家睇中產品，即可與賣家溝通。雙方達成共識（包括價錢、到米蘭站交收時間）後，買家必須出價（Make an Offer) ，賣家必須接受出價（Accept Offer），並標示為「已出售」（Sold）。

步驟3：填寫表格並上載截圖

預約表格由賣家填寫。當產品被標示為「已出售」後，賣家可以到以下網址：https://caro.sl/milan_meetup 預約驗袋時間。賣家需要喺預約表格上載買賣雙方對話截圖，截圖須顯示產品已加hashtag ，並標示為已出售。（可以上載多於一張截圖）

步驟4：去門市交收及驗袋

提交表格後，將不會收到確認訊息。買賣雙方只需要依照預約時間一齊去預約表格上所揀嘅米蘭站門市完成簡單嘅登記，並進行由米蘭站職員提供嘅免費驗證服務同交收。

咁正咁方便，一齊睇下Carousell有咩靚款手袋買啦！

Louis Vuitton可謂係monogram嘅始祖之一，近年所有monogram袋款都重新興起，Youtuber、blogger人人手執一個！Carousell連一袋難求嘅Petite Malle都有得買！