五樣旋轉拍賣意想不到的服務

0
991

中意用旋轉拍賣嘅各位朋友,唔知你吔通常都會買咩呢?以為旋轉拍賣得衫褲鞋襪同手袋買?咁就錯喇!其實旋轉拍賣可以買到各式各樣嘅服務,今次同大家分享五種意想不到嘅服務,包你有驚喜!

第一樣:補習服務

跟唔上學校進度、功課遇到難題,又或者想精益求精?好多人都會選擇補習。如果想搵個一對一補習,又唔想俾中介網站食佣金或者手續費?去旋轉拍賣自己慢慢揀啦!由補習老師游水老師音樂老師,通通都可以喺旋轉拍賣搵到!大家可以用聊天功能同老師自行協商,夠哂透明直接。

 

car wash cars GIF
圖片來源: GIPHY

第二樣:洗車服務

洗車服務都有?真係有!有賣家喺旋轉拍賣提供上門洗車服務,等大家唔洗大熱天時揸架車出去車房!直接同賣家夾好時間,例如週末喺屋企休息果陣開個門俾人上黎洗車,夠哂方便!

 

Image result for fortune telling第三樣:玄學服務

紫薇斗數、八字、面相、塔羅占卜⋯⋯你諗得出嘅玄學服務,旋轉拍賣都會搵得到!想幫自己批命,睇下流年運程,或者轉個靚運?玄學呢家野,聽過先知準唔準,與其齋好奇,不如book番次試下?

 

sculpture GIF
圖片來源: GIPHY

第四樣:代砌服務

想砌樣野送俾男朋友女朋友,但又冇時間,自己又冇一雙巧手?代砌服務幫到你!無論係音樂盒、模型定拼圖,都有專人為你服務!就算係難度幾高,都有人幫你砌掂佢!以後送禮物又多左樣快靚正又夠哂心思嘅選擇喇!

 

第五樣:修圖服務

 

夏天食多左有肚腩?有野想設計又唔識用軟件?旋轉拍賣有賣家提供修圖服務,無論係執相、 Photoshop 定 AI,都有專業人士幫你,就算只係一張相都好,都可以搵到人幫手執,以後就唔洗自己P黎P去,露出馬腳俾人笑啦!

係咪好驚訝,發現原來旋轉拍賣有好多新奇特別嘅服務呢?下次大家生活上有咩大小問題想搵人幫手解決,不妨去旋轉拍賣嘅「服務」類別睇睇,好容易就會搵到專才打救架喇!

 

LEAVE A REPLY

Please enter your comment!
Please enter your name here