黎得Carousell賣野，緊係想賣得個好價錢，幫寶貝搵番個好歸宿？今次教大家五招，齊來做個醒目賣家，令自己既貨品更引人注目，同時為寶貝揀個好主人！買家都可以用呢幾招尋寶！
第一招：善用產品預覽。賣家可以定期到產品預覽 check下自己件貨品既情況，包括瀏覽過貨品既人次，有冇人聯絡過自己，同埋收到既購買offer，咁樣賣家同買家就可以盡快聯絡溝通。
賣家如果發現貨品得唔到預期既關注，可以從貨品相片同貨品描述方面入手，upload番啲靚仔相，寫清楚啲貨品資料，仲有起個清晰吸引既標題。唔好睇少呢啲功夫既重要，喺云云貨品之中，想要突圍而出，就要留番個好印象俾買家！如果收到既offer唔多，可以考慮調整價格，咁就可以吸引更多買家。大家仲可以留意下自己件貨品多唔多人like，了解下多唔多人需要呢類貨品。
第二招：用Carousell 泵增加貨品曝光率。做齊哂以上所有野都未搵到合適買家？唔洗灰心，可以試下用Carousell 泵，幫寶貝做下宣傳，令買家更易搵到你件貨品。
第三招：善用聊天功能。為左保障個人私隱 ，買賣雙方可以盡量使用Carousell app 入面既聊天功能聯絡，咁就最穩陣。真係岩傾既話，之後先交換電話號碼做個friend都未遲呀！除左賣家提供既資料，買家對貨品仲有好奇的話，千祈唔好猶豫，記住多啲發問，咁樣就可以更確切知道貨品係咪自己心頭好！
第四招：選擇最方便既交易方法。幫寶貝搵到處好人家，都要諗下點交收。當然，賣家提供得愈多交收方法，咁就愈容易賣出貨品。最緊要係雙方喺chatroom傾好交收方式，清清楚楚。
第五招：查看雙方評價。賣家想知自己可唔可以將寶貝付託俾買家？買家又想知賣家信唔信得過？唔洗估估下，大家可以check下雙方既評價，睇下其他人俾佢地既comment，了解下雙方係咪誠實盡責，確保交易愉快順利！
下次用Carousell買賣，記住用呢幾招，咁就可以賣得開心，買得放心喇！