二手市場上嘅售賣嘅名牌手袋價錢吸引款式又特別，所以交易一直好活躍。以Hermes 手袋為例，佢哋喺二手市場上價格好穩定，而家品牌本身有好多支持者，所以一直深受歡迎。但二手買賣始終存在一定風險，二手名牌產品金額亦較其他二手商品高，因此好多人即使遇上價格合理嘅心頭好，都未必會即刻購買。一般買家究竟點樣可以分手袋係真定假？Carosusell 今次請到我哋香港及台灣區總經理Brian 以及米蘭站創辦人Byron 同大家分享幾個關於買賣二手名牌袋嘅心得同注意地方！
Hermes 手袋三大驗證小貼士
1）專利皮革味道
Hermes 手袋有一種專屬皮革味道，非常獨特，係假貨冒充唔到嘅味道！如果有去過Hermes 實體店，一定聞過呢陣味。
2）金屬扣上獨特刻字
金屬扣有實際功能，又可以點綴手袋，而Hermes 嘅金扣則印有品牌嘅專利字樣。大家買手袋時記住留意一下！
3）印製年份及工匠號碼
除咗專利字樣之外，其實每個Hermes 手袋都有佢獨特嘅一組號碼，代表手袋嘅印製年份同埋工匠號碼，刻印喺袋身唔同位置。可以參考上圖。
Chanel 手袋三大驗證小貼士
1）專屬皮革味道
同樣地，Chanel 嘅皮革產品都有一種專屬呢個名牌嘅味道，都係獨一無二嘅。
2）附有保證卡 （Authenticity Card）
Chanel 手袋內附有保證卡一張，佢就好似手袋嘅出世紙咁，上面印有手袋序號（Serial Number）等關於手袋嘅資料。
3）專利貼紙
專利貼紙黐喺袋身，係撕唔走咖！貼紙上顯示嘅手袋序號同保證卡上嘅一樣，大家可以核對袋身同保證卡上嘅號碼係咪一樣，以驗證貨品真偽。
睇完以上嘅tips，相信大家對購買二手名牌手袋嘅信心應該增長不少。二手市場上嘅手袋款式眾多，如果唔知應該入手邊款手袋，不妨參考一下Byron 嘅推薦。下列除咗有Hermes 同Chanel 嘅經典之作，亦包括近年大熱嘅mini backpack！
（以上三款都是一直以來最受女士歡迎的款式）
始終都係對買賣二手名牌手袋有所保留？Carousell 現正同米蘭站合作，向用戶提供免費手袋驗證服務，只要買賣嘅係Hermes 或Chanel 手袋就有機會參加。有專業人士幫你驗手袋就放心得多啦！參加方法好簡單，賣家只需要喺產品名稱上加上hashtag #Milan01，經初步驗證後，就有機會被放入banner 宣傳及參與驗證服務。詳情請按此瀏覽。
