三步學識點樣「泵」!

用「泵」就令你嘅產品再次置頂,曝光率激增4倍!

0
643

自從我哋推出咗「泵」呢樣嘢,好多人都問究竟係點用㗎? 所以今次我哋就整咗條片,教下大家點樣用「泵」啦!

片入面會有幾個重點:
00:10-00:19 首先會講吓咩係「泵」
00:20 之後就係點樣「泵」你嘅產品
00:32-00:41 仲有「泵」點幫你提升產品嘅曝光率
00:41-00:57 最後就係點樣用旋轉金幣去買「泵」

學識咗用「泵」之後,我哋肯定你件產品嘅瀏覽量同有興趣嘅買家都會大增! 聽落好似好勁咁,但係又係唔係真係有需要呢?

當你而家想賣咗你部iPhone 7,用啲錢去換iPhone 8或者X。試下打開Carousell個app然後搜尋下iPhone 7。你會發現有好。多。人。都賣緊佢哋部iPhone 7。所以當你放你部機上去嘅時候,好有可能好快就會被其他listing淹沒,除非你賣得好平啦。

不過又唔好咁快放棄住。每日都有數以萬計嘅人係Carousell到買嘢,所以就算你唔「泵」你嘅產品都有機會賣得出嘅。但係如果你真係好想快啲賣咗部舊機換新機嘅話,我就會建議你「泵」下佢。因為當你一「泵」咗你件產品,佢就會即刻變成搜尋結果嘅第一位,自然你賣出嘅機會就大好多啦!

好啦,即刻去片啦! 

文字版:

咩係「泵」呢?

「泵」就係可以幫你快啲賣走你件產品嘅工具,佢可以增加你件產品嘅瀏覽量同吸引多啲有興趣嘅買家。

首先,去返自己嘅個人專頁。

然後,你就要決定你想「泵」邊一件產品。諗好咗就可以㩒個「泵」制,佢就會話比你知「泵」
有咩好處。例如你買一個三日嘅「泵」,就會係嚟緊三日「泵」你件產品。

咁當你揀咗你想「泵」件產品幾多日,個app就會話比你知相應嘅選項要幾多錢。要買「泵」,
就要用旋轉金幣,旋轉金幣除咗可以用嚟買「泵」仲有好多其他用途㗎!

揀返你需要幾多個旋轉金幣,買得越多就當然越抵啦! 我呢就買住698個先。

而家去返你嘅個人專頁然後搵返你啱啱「泵」咗個件產品,就會發現已經搞掂啦,咁樣就「泵」
咗件產品啦!

係嚟緊嘅三日,你件產品就會有三次機會成為搜尋結果嘅第一位。

「泵」就係咁樣用啦。用咗「泵」可以幫你快啲賣走你件產品,所以如果你好趕住折現嘅,
不妨試下「泵」下你賣緊嘅嘢呀!

用$8就令你嘅產品再次置頂,曝光率激增4倍

 我哋做咗個研究,發現「泵」咗你件產品之後,佢嘅瀏覽量會多咗230%,所以我覺得點都要試下嘅。你學識咗點樣用「泵」,都記得介紹埋比你啲朋友呀! 如果有咩問題,歡迎隨時去https://support.carousell.com/hc/en-us/requests/new,我哋會好樂意幫你!

LEAVE A REPLY

Please enter your comment!
Please enter your name here