Carousell 二月三月活動回顧

0
355

Carousell每個月都會舉辦好多活動,以新鮮有趣嘅節目聯繫用戶,除左節慶活動之外,仲有興趣班𠻹!

1. 美甲Workshop

二月一日,趁住農曆新年前,我哋邀請咗其中一位 Carouseller 美甲達人 Becky (@kiki903)教大家美甲。各位 Carouseller 都玩得好開心,慢慢研究指甲款式,齊齊扮靚過豬年!Becky專門售賣日本、韓國同英國嘅美甲用品,有各式各樣嘅Gel甲指甲貼,等大家可以安坐家中,輕鬆快手整靚啲指甲!

2. CNY Megasale

今個新年有Carousell送大禮過肥年!獎品十分吸引,包括Le Creuset、ghd髮夾、iLife 吸塵機械人、Airpods、小米空氣清新機,仲有DJI Osmo Pocket!用戶以一折價錢就能買走大熱產品!當日得知中獎嘅用戶都好興奮雀躍!

 

3. 以物會友見面會 Find Your Soulmate

2月10日,Carousell舉行咗第一次以物會友活動,當晚會用戶一齊食飯傾計,一班人就此結緣,互相認識!就好似Joey同Esther咁,佢哋大家都係《怪獸與牠們的產地》嘅粉絲,透過Carousell同其他同好交換貼紙。就係咁,Joey同Esther愈來愈熟,成為朋友喇!如果大家都想擴闊社交圈子,尋找志趣相投嘅朋友,下次都黎join我哋啦!

4. Formula E

Formula E「2019 香港電訊香港電動方程式大賽」喺 3 月 10 日中環海濱圓滿結束!Carousell擁有汽車分類「二手拍賣平台」, 一直積極參與汽車界各項盛事。今年我哋都喺Formula E現場同大家一齊參與呢項車壇盛事,喺Allianz E-Village Booth送咗好多汽車香薰、汽車充電器等超精美汽車禮品,仲有車模陪大家玩遊戲!大家可以click入下面影片感受吓活動當日嘅熱烈氣氛!各位車迷,請繼續期待我哋下次車聚活動啦!

5. 蜂蜜酒製作班

3月9日,我哋舉行咗《Surkus X Carousell – 品酒潮童 · 蜂蜜酒製作班》,反應十分熱烈!當日,活動導師為大家介紹蜂蜜酒嘅基本材料同釀蜂蜜酒嘅基本步驟,大家仲親自調配專屬自己風格嘅蜂蜜酒,將製成品帶返屋企,滿載而歸!

ii) 鏡面蛋糕製作班

充滿少女心嘅鏡面蛋糕望落好似好難整,市面上又賣得貴,想整又點算好呢?Surkus 聯同 Carousell就喺3月23日為各位用戶帶來《Carousell X Surkus 閃閃雙色鏡面蛋糕製作班》!活動當日喺1000呎寬敞嘅廚房進行,參加者由專業導師指導下,使用英國高級廚具,為心愛嘅人親手製作又呃like又好味嘅鏡面蛋糕,大家都整得甜絲絲!

iii) Art Jam

自助畫室活動係一個表達自我同創造力嘅藝術空間,亦係一個充滿趣味嘅創作經歷。Surkus 同Carousell 嘅用戶喺3月23號參加咗《Surkus X Carousell – Art Jam · 心靈 洗滌》活動。大家喺輕鬆音樂同舒適裝潢下,隨性挑選合適嘅畫具任意繪畫。在創作過程內,無題材同技巧限制,每位都一邊享受飲品,一邊輕輕鬆鬆繪畫自己嘅作品。生活嘅壓力同煩惱就係咁瞬間一掃而空!

6. Car Clubbing

3月24號,Carousell同《車主》雜誌喺新田購物城舉辦咗第一屆全港車聚!當日有遊戲樂園同埋迷你賽物遊戲,仲有得換領豐富禮物𠻹!一班車迷除左show吓愛車之外,又互相交流車經,傾得不亦樂乎!

LEAVE A REPLY

Please enter your comment!
Please enter your name here