旋轉商店品牌故事 (16) – 用手機都可以歐遊買名牌!

0
84

相信有唔少朋友一開始接觸 Carousell 都係用嚟買衫,手袋等等嘅產品,方便之餘仲可以好抵咁樣買到世界各地嘅名牌! 今次我哋介紹嘅旋轉商店相信同好多香港嘅格仔鋪好似,都係細細間但係慢慢向網上發展嘅衫店 – newbond! 我哋一齊睇吓佢哋係點樣利用 Carousell 發展網上嘅生意啦!

Newbond 嘅店主蘇先生喺灣仔有實體店,佢哋賣嘅主要都係銀包手袋,近嚟都賣多咗衫,而佢哋嘅產品都係歐洲送過嚟,有唔少限量版!蘇先生每次去歐洲,都會喺Carousell上面出 post 講,嗰斷時間佢就會因應客人需要去代購,咁買家唔使周圍飛都可以好似歐遊咁買嘢啦!

蘇先生一開始接觸 Carousell 係因為有朋友推薦,見到呢個平台方便易用,用戶廣泛,就成為左我哋嘅一份子!佢話,Carousell 嘅搜索功能提升到產品嘅曝光率,相比起一啲社交平台,佢哋嘅產品比較難去突出。而最近三個月,newbond 亦都成為左旋轉商店,除咗令產品更突出之餘都令個品牌更加有可信性!

係咁多個平台入面, Carousell都佔咗佢哋收入嘅接近六成,尤其是喺疫情期間,一個可靠嘅網上買賣平台真係好重要! 如果對 newbond 有興趣嘅朋友仔就快啲㩒呢條 link 去睇吓啦!

LEAVE A REPLY

Please enter your comment!
Please enter your name here