旋轉商店品牌故事 (15) – 度身訂造木製精品

0
66

Carousell,精品不嬲係其中一樣最受歡迎嘅產品,但係你哋又估唔估到喺 Carousell 呢個簡單易用嘅平台度都可以搵到度身訂造嘅精品呢?今次我哋介紹嘅旋轉商店就係 simplywood 啦!佢哋專門設計木製嘅精品,由相架到日曆都有!想了解吓店主 Candy 嘅心路歷程就繼續睇落去啦!

Simplywood 同其他旋轉商店唔同,佢哋係冇實體店㗎 !但係喺而家網絡商店咁流行嘅時代,創業其實冇想像中咁難,佢哋剩係得一間 workshop 再加上 Carousell 就已經冇問題! Candy 話,佢哋嘅宗旨係希望可以做出一啲原創同埋度身訂造嘅產品比客人,咁樣,送禮物都更加有心思啦~

其實 Candy 都係今年二月先成為 Carousell 嘅一份子,佢知道 Carousell 除咗客源多,賣二手產品之外,仲有唔少賣一手產品嘅商店!再加上旋轉商店推出左之後,比到佢更加多經營商店嘅工具,亦都通過受到驗證而爭取到客人嘅信任!

講起喺 Carousell上面如果嘅趣事, Candy 就話佢記得有位客人想訂製一個巨型嘅酒箱,由於Candy 同佢嘅團隊冇做過類似嘅產品,佢哋都係由零做起,通過 Carousell 嘅 chat function 溝通。 因為客人趕住用,佢哋唔少員工喺果斷時間都 OT 住完成嗰件產品,而喺製作產品嘅過程都有 send 相比客人 update 進展。 最後,喺五日之內送到完成品比客人,而客人亦都好鍾意同覺得好抵!所以對 simplywood 嚟講,超越客人嘅預期比賺錢仲開心!

對 simplywood 有興趣嘅朋友就快啲㩒呢個 link 去睇吓啦!

LEAVE A REPLY

Please enter your comment!
Please enter your name here