Carousell 作為香港其中一個最大型嘅買賣平台，除咗有得買日常用品之外，仲係唔少收藏家嘅天堂！點解咁講？今次我哋介紹嘅 Charles 係 mansoul 嘅店主，佢哋作為模型店，你諗得出嘅動漫、電影模型都可以喺嗰度搵到！想了解吓 Charles 嘅 Carousell 之旅就睇落去啦！
Charles 原本其實係做海外市場，轉來做香港市場嘅時候就已經好留意唔同嘅網上平台比自己發展生意，所以喺四年前 Charles 就已經發現 Carousell 越嚟越受歡迎，成為左我哋平台嘅用戶之一啦！佢哋雖然賣模型為主，但係亦都有唔少圍繞着動漫嘅產品，例如鎖匙扣等等嘅小精品，吸引唔同嘅客源。由於佢哋嘅貨都係日本運來，款式多之餘都有唔少稀有嘅產品㗎！
講到 Charles 對於買模型嘅諗法，佢話呢啲其實唔止係玩具，仲係買家嘅一啲回憶。有唔少人睇過一啲對佢哋印象深刻嘅動漫好多時都會想買返一份紀念品咁，所以佢都好堅持佢哋買嘅模型一定要高質素！
Carousell 除咗比買家同賣家做交易之外， Charles 話佢都感受到喺呢個平台度可以俾佢同啲買家交流同溝通。 唔少客人如果對於模型嘅了解冇咁深入，只係講到佢想要嘅角色同埋風格，Charles 都可以俾啲建議佢哋，唔會因為網上化而少咗同買家嘅溝通，反而更方便佢接觸更多嘅客人！呢樣亦都係 Charles 覺得好滿足嘅一樣嘢，唔單單只係盤生意嘅表面帳目。
對於好似 mansoul 嘅零售商戶，成為 CarouBiz 之後都一定可以令你比競爭對手有絕對嘅優勢！快啲加入我哋嘅大家庭啦！
對 mansoul 有興趣嘅朋友仔都可以咁呢條 Link 去睇睇！
