旋轉商店品牌故事 (12) – 把握網上發展時機 – 樂誠大藥房

0
373

喺疫情嘅影響底下,相信唔少買家對於保健同埋抗疫物品嘅需求都增加咗,今日我哋就同大家介紹一下泰好批 (taihopai) 藥房嘅店主 Jack 究竟係點樣通過 Carousell 方便香港市民齊心抗疫啦!

Jack 其實係用Carousell之前,都只係靠實體店經營,畢竟呢個係唔少藥房嘅傳統。但係近來,佢發掘到網上生意嘅潛能,再加上疫情影響大家少咗出街,佢就開始搵網上發展嘅機會。Jack 話,佢一開始接觸 Carousell 其實冇特別打算將藥房嘅生意帶上去,而佢只係想賣出自己嘅一部電腦。但係正正通過咁樣,佢發現Carousell呢個平台除咗方便易用之外,仲好有效,因而決定喺依度發展佢藥房嘅生意,開始投放多啲人手同資源落呢個平台度。

除咗Carousell之外, Jack 亦都有設立網站,佢話Carousell加網站就已經好足夠。有啲平台會收兩個月佣,相比起Carousell嘅旋轉商店 plan, Carousell划算好多。

至於用咗一陣 Carousell 嘅心得, Jack 都想同大家分享吓佢點樣設立自己嘅品牌 – 每次買賣之後, Carousell 有個好好嘅功能就係互相比評價,Jack 會為留評語嘅客人喺下次光顧嘅時候減價,通過
累積好嘅評價令買家相信自己嘅品牌!各位想建立品牌嘅店主學下嘢啦!

中:網站設計師 terry 右:行動組組長 Jack

左:Jack 講解互聯網發展潛力 中: 當時局長劉江華

喺疫情期間, Jack 都賣多咗好多抗疫物品,佢話收入中有三至四成都係來自我哋嘅平台,足以睇得出我哋旋轉商店可以為唔同形式嘅商戶網絡化!快啲加入我哋,成為旋轉商店啦!

對泰好批有興趣嘅買家亦都可以透過呢個連結睇睇佢:https://hk.carousell.com/taihopai/

LEAVE A REPLY

Please enter your comment!
Please enter your name here