【停課不停學】親子同學習資源分享 含網上工作紙、小遊戲、圖書

0
11005
受武漢肺炎疫情影響,最近政府又宣佈延長復課日期,暫定最早4月20日先會復課!小朋友唔洗返學,一眾爸媽們喺咪煩惱緊點樣幫仔女們善用係屋企嘅時間呢?今次Carousell為家長們搜羅左一系列嘅線上教材、圖書、小遊戲,程度,等你地可以陪住小朋友一齊玩樂一齊學習,唔洗怕係屋企悶親小朋友之餘,同時增進親子感情!

 

網上學習工作紙

1. KIZCLUB 

網上學習工作紙 兒童 DIY learning set

網站提供咗字母學習、拼音、及唔同主題/生活題材等嘅工作紙、小手工、圖書等,程度有淺有深,家長可以自行為小朋友挑選適合嘅教材。

【點擊網址】

2. KidZone

KidZone網頁內嘅工作紙同遊戲主要喺提供俾學前至小學嘅兒童,全部為英語教材,內容包含英文、數學、科學等嘅學習。網頁將教材按主題及年級分類,方便家長按小朋友嘅程度選擇教材,自行列印工作紙俾小朋友練習。

【點擊網址】

3. Worksheetworks


呢個網站嘅教材就比較適合小學生採用,工作紙內容針對英文、數學、地理、推理等等嘅學習。以數學黎講,不同嘅Topic 例如分數、小數、百分比、機率等佢都有提供,高小嘅學生就岩曬!

【點擊網址】

 

網上小遊戲:

1. Starfall

Starfall提供咗好多學習英文嘅小遊戲,圖畫生動、顏色豐富,主要對象為學前至初小嘅學生,得意有趣嘅小遊戲絕對可以增加小朋友對學習嘅興趣,有時除左做工作紙,用遊戲黎學習都係一個好方法!

【點擊網址】

2. Krazydad


Krazydad提供一系列邏輯思維嘅訓練俾小朋友,分別有多款數獨、迷官及拼圖等嘅挑戰,而且全部都有難易度之分,由初級(適合4-6歲)、中級(適合6-8歲)、中高級(適合7-9歲)、高級(適合9-12歲)、到極端難度(12歲以上)嘅題目都有,得閒同小朋友一齊玩,可以訓練思維敏捷度同時,提升智力!

【點擊網址】

線上圖書 / 故事:

1. Kids World Fun

Kids World Fun網站內有好多不同嘅電子兒童讀物,例如短篇故事、兒童刊物、詩篇、E-BOOK等,程度涵蓋幼兒至中學程度。

【點擊網址】

2. 故事花園

除左英文故事,中文故事書都好緊要!故事花園呢個網站提供咗一系列生動有趣嘅短篇故事,當中包括必讀嘅格林童話同世界經典故事等,非常適合親子一同閱讀,帶小朋友認識經典。

【點擊網址】

 

電子書雖然方便,但都唔及實體書有手感!睇書除左可以刺激小朋友嘅視覺,仲可以培養佢地對閱讀嘅興趣,帶小朋友更深入認識世界,Carousell上面就有唔少兒童讀物,有全新有二手嘅,價錢十分相宜:

Flat Stanley’s worldwide adventures 一共9本  $150 (按圖進入)

 

點讀版 牛津故事樹 Oxford Story Tree 52本 $200 (按圖進入)

 

希望以上嘅網上學習資源可以幫到咁多位爸爸媽媽們啦!不過,學習固然重要,適時俾子女放鬆同遊玩都好緊要架~ Carousell 係呢到祝各位家長同小朋友身體健康!

 

圖片及資料來源:KIZCLUB、KidZone、Worksheetworks、Starfall、Krazydad、Kids World Fun
、故事花園

LEAVE A REPLY

Please enter your comment!
Please enter your name here