櫻識日本一分鐘:日本房地產全攻略 (上)

0
59

最近有好多朋友對投資日本房地產有興趣,買家又有咩需要留意呢?立即參考Carousell為你準備嘅小貼士啦!

1. 投資吉室定連租約物業?

投資日本房地產前,首先要留意物業是否連租約,因為喺日本租客係有優先續租權㗎!所以如果想購入連帶租約嘅房屋自住的話,就要注意租約狀況係咪可以即時收嚟入住。吉室的話,切記檢查物業狀態是否能夠接受。

2. 樓宇年齡及買賣承接力

其實投資日本物業,最重要就係比較位置、樓齡同大廈保養狀況。如果係着重承接力嘅買家,建議你哋選擇近市中心1980年後落成嘅物業,基本上就唔需要擔心將來嘅出租或放賣能力。但如果個位置唔係市中心,或者交通冇咁方便,咁就建議大家揀返啲樓齡較新嘅。

3. 租客相處之道

好多朋友係投資日本物業時都會擔心租客、租約同保證金嘅問題,甚至聽講新租客要比禮金同額金。其實現時嚟講,一般物業係唔會收到禮金同額金,因為日本係「保證會社」,即係租客會幫自己購買保險。契約每一年或兩年就會自動更生,所以現有租客係有優先續租權。但租客又唔係大晒嘅,只要預早半年時間同對方洽談退租、加租就可以,溝通時記得注重日本文化。

4. 如何挑選連租約物業

比較連租約嘅日本房地產時要留意以下幾點:第一,租客有冇失租;第二,租客有冇不良記錄;第三,租客嘅年齡會唔會太大。如果以上幾項合格,就可以落下一步比較租金。其實日本同香港一樣,同一個屋苑或者大廈嘅租金係有個大概範圍。如果現時租金合理,而租金回報有約5厘至6厘,咁就代表物業嘅性價比算高,升值潛力係可觀嘅。

5. 借貸小貼士

投資日本房地產嘅海外人士其實都可以問當地銀行借錢。日本銀行貸款嘅最低門檻係銀行融資一千萬日元。要特別留意嘅係,遞交借貸申請時記得附加二手物業嘅合約條款,同埋列明借到錢先會購買單位。大家可預早準備好一套文件,令整個借貸流程更快捷順暢。

LEAVE A REPLY

Please enter your comment!
Please enter your name here