喺Carousell賣嘢用「泵」定「熱門推廣」?

1
4068

「泵」同「熱門推廣」都係Carousell用作增加產品曝光率嘅宣傳工具,只不過佢哋兩個嘅作用各有不同,分別適合普通賣家同商業賣家。一齊睇下邊個功能啱你啦!

「泵」

只要用左「泵」,每日你嘅貨品就會喺所屬分類同搜索排首位一次,咁就會令更多搵緊同類貨品嘅買家見到你件貨品喇。不過都要留意,你件貨品買咗「泵」後,係會隨住時間慢慢位置下滑嘅,因為其他賣家同樣會幫自己件貨買「泵」,所以「泵」效果屬於短期

bumped listing

目前,Carousell有三款「泵」任君選擇。

  • 單日「泵」,貨品曝光率高1.4倍。
  • 三日「泵」,貨品曝光率高2倍。
  • 緊急「泵」,貨品會每日兩次,為期三日,仲有4倍曝光率!

「熱門推廣」

買左「熱門推廣」後,只要用戶搜尋相關貨品,就會見到你件產品。我哋會將你嘅產品喺分類及用戶相關搜尋結果上固定置頂,如果你開啟「喺其他位置宣傳你嘅產品」就可以喺用戶瀏覽結果上出現。

spotlighting your listing

「泵」相比,「泵」係一次性付費,「熱門推廣」就係按「瀏覽次數」收費,而每個宣傳嘅費用取決於你嘅預算。越高嘅預算,我哋會盡量為你嘅產品爭取多啲「瀏覽次數」。「熱門推廣」內嘅產品會根據你計劃設定嘅長短(3 - 30日),置頂直至達到設定嘅每日「瀏覽次數」。

budgeting your spotlight

咁「泵」同「熱門推廣」又有咩分別?

「泵」 「熱門推廣」
一次性宣傳:同類產品搜尋結果第一位 長期宣傳計劃:將產品喺相關搜尋結果上固定置頂,喺用戶瀏覽結果上出現
運作 位置慢慢隨其他用戶泵數改變 位置同出現地方由買家購買嘅瀏覽次數同宣傳期而定
價錢 固定價錢,視乎產品所屬類別 接瀏覽次數收費,買家自設預算及宣傳期。未達到嘅瀏覽數量而尚未使用嘅宣傳金幣會退還至你嘅帳號

 

你應該揀「泵」定「熱門推廣」?

「泵」 「熱門推廣」
普通賣家vs商業賣家 衣櫃大掃除或出售門票,想快手賣出產品 經營商店,希望產品有穩定曝光率同售出率
一次vs多次 一次性出售單品,無需太多用戶見到產品 大量產品出售,希望愈多人見到產品愈好
短期投資vs長期投資 想投資少量金額,只需要一至兩次宣傳效果 願意付出較多金錢換來長期更大宣傳效果

 

SHARE
Previous article2018最令人期待十大電影
Next article本地最新美食潮點
Avid eater of chicken nuggets who is committed to contributing to a culture that influences and motivates others.

1 COMMENT

LEAVE A REPLY

Please enter your comment!
Please enter your name here